ہمارا تعارف
کیئربائنڈر گھر میں مریضوں اور بزرگوں کی دیکھ بھال کرنے والے افراد کے لیے ایک تعلیمی اور رہنمائی کا پلیٹ فارم ہے۔
ہم جانتے ہیں کہ گھر میں کسی عزیز کی دیکھ بھال صرف ایک ذمہ داری نہیں، بلکہ روزانہ سیکھنے، فیصلے کرنے اور بہت سی چھوٹی بڑی مشکلات سے نمٹنے کا سفر بھی ہے۔ کیئربائنڈر کا مقصد اس سفر میں تیمارداروں کو سادہ، قابلِ فہم اور عملی معلومات فراہم کرنا ہے تاکہ وہ روزمرہ نگہداشت کی ذمہ داریاں زیادہ محفوظ، منظم اور پراعتماد انداز میں نبھا سکیں۔
ہمارا مقصد
ہمارا ماننا ہے کہ ہر مریض اور بزرگ اس بات کا حق رکھتا ہے کہ اس کی دیکھ بھال وقار، احترام اور توجہ کے ساتھ کی جائے، اور ہر تیماردار کو ایسی قابلِ فہم رہنمائی دستیاب ہونی چاہیے جو روزمرہ نگہداشت میں اس کے کام آ سکے۔
اسی لیے ہم دیکھ بھال کی بنیادی مہارتوں، صفائی و انفیکشن سے بچاؤ، مریض کی حفاظت، روزمرہ ضروریات اور مختلف حالات میں گھر پر نگہداشت جیسے موضوعات کو آسان اور عملی انداز میں پیش کرتے ہیں۔
ہمارا مقصد طبی مشورے کا متبادل بننا نہیں، بلکہ تیماردار کو بہتر تیمارداری سیکھنے میں مدد دینا ہے۔
ہمارا وژن
ہم ایک ایسے قابلِ اعتماد اردو پلیٹ فارم کی تعمیر چاہتے ہیں جہاں گھر میں کسی مریض یا بزرگ کی دیکھ بھال کرنے والا شخص ضرورت کے وقت واضح اور منظم رہنمائی حاصل کر سکے۔
ہماری کوشش ہے کہ کیئربائنڈر وقت کے ساتھ تیمارداری کی تعلیم اور عملی مہارتوں کے لیے ایک ایسا جامع ذریعہ بنے جہاں معلومات صرف پڑھنے کے لیے نہ ہوں بلکہ روزمرہ دیکھ بھال میں واقعی کام آئیں۔
ہم کیا کرتے ہیں؟
ہمارے معاشرے میں مریضوں اور بزرگوں کی روزمرہ دیکھ بھال کی بڑی ذمہ داری اکثر خاندان کے افراد خود اٹھاتے ہیں۔ ان میں سے بہت سے لوگ باقاعدہ تربیت یافتہ تیماردار نہیں ہوتے اور انہیں یہ ذمہ داری اچانک سنبھالنی پڑتی ہے۔
کیئربائنڈر اسی ضرورت کو سامنے رکھتے ہوئے عملی گائیڈز، مرحلہ وار رہنمائی، چیک لسٹس اور قابلِ استعمال وسائل تیار کرتا ہے۔ ہماری کوشش ہوتی ہے کہ معلومات غیر ضروری پیچیدگی سے پاک ہوں اور ایک عام تیماردار انہیں آسانی سے سمجھ کر اپنی روزمرہ ذمہ داریوں میں استعمال کر سکے۔
ثقافتی اور لسانی رکاوٹوں کا خاتمہ
مفید معلومات تبھی فائدہ دیتی ہیں جب قاری انہیں صحیح طور پر سمجھ سکے۔
اسی لیے کیئربائنڈر اردو میں ایسا مواد تیار کرنے پر خصوصی توجہ دیتا ہے جو ہمارے مقامی معاشرتی اور گھریلو ماحول کو سامنے رکھتے ہوئے لکھا گیا ہو۔ ہمارا مقصد صرف معلومات کا ترجمہ کرنا نہیں بلکہ انہیں ایسی زبان اور انداز میں پیش کرنا ہے جو اردو پڑھنے والے تیماردار کے لیے واضح، مانوس اور قابلِ عمل ہو۔
بانی کا تعارف
.
ڈاکٹر آصف اعوان — بانی، کیئربائنڈر
ڈاکٹر آصف اعوان نیشنل کونسل فار ہومیوپیتھی (NCH) سے رجسٹرڈ ہومیوپیتھک معالج (DHMS) اور سند یافتہ کیئر گیور ہیں۔ طبی شعبے سے طویل وابستگی کے ساتھ انہیں اپنے والدین سمیت مختلف مریضوں کی عملی نگہداشت کا بھی تجربہ حاصل رہا ہے۔
اسی تجربے کے دوران انہوں نے قریب سے محسوس کیا کہ گھر میں مریض کی دیکھ بھال کرنے والے شخص کو اکثر چھوٹی مگر اہم عملی باتوں کے لیے واضح رہنمائی دستیاب نہیں ہوتی۔ مریض کو آرام سے بستر پر کیسے رکھا جائے، روزمرہ صفائی کیسے منظم کی جائے، گھر کا ماحول زیادہ محفوظ کیسے بنایا جائے، اور دیکھ بھال کے معمولات کو بہتر طریقے سے کیسے سنبھالا جائے—ایسے سوالات تیماردار کے روزمرہ تجربے کا حصہ ہیں۔
کیئربائنڈر اسی ضرورت سے وجود میں آیا: تیمارداری کے عملی تجربے اور قابلِ فہم تعلیمی رہنمائی کو ایک جگہ جمع کرنے کے لیے۔
ہماری ٹیم
کیئربائنڈر کے مواد اور پلیٹ فارم کی تیاری میں مختلف ذمہ داریاں سنبھالنے والی ایک چھوٹی ٹیم شامل ہے۔
مسز صائمہ یاسمین
چیف ایڈیٹر / سربراہ ایڈیٹوریل بورڈ
جناب اویس سہیل
لیڈ ویب ڈیزائنر / سربراہ ڈیزائننگ
مس ماہا گل
کنٹینٹ آرگنائزر / ناظمِ مواد